Home > Love Letters > Babaying Magdalina

Babaying Magdalina

“Unang Yugto”

TINAHUD kung Kuya Sonny. Maayong adlaw kanimo ingon man sa imong mga suking readers sa tibuok polo sa Mindanao. Labing klaro mas magulang kaayo ako kanimo tungod kay 60 anyos kapin naman ang akong pangidaron karon. Apan mao man kana ang gitawag diha kanimo mao tugoti usab ako sa pagsangpit og Kuya diha sa imong dapit.

Tagoa lamang ako sa ngalan nga usa ka Oscar, ulitawong gulang na hangtod karon ug lumad nga taga Cagayan de Oro. Naaghat ako sa pagsalmot ning imong lindog aron kining akong kaagi sa gugma makapanaminan kini ngadto sa uban.

Nagsugod kining akong sugilanon niadtong nagpangidaron pa ako og 21 anyos. Samtang ang babaye nga maoy natingban sa akong pagbati usa siya ka magdalina kon pampam ang tawag kaniadto ug karon gitawag na kini nga boring.

Taguon ta lamang siya nga usa ka Magdalina, 20 anyos ang iyang panuigon niadto ug diha nag-temporaryo sa pagpuyo sa gitawag og HULAW-HULAW ning syudad.

Ang mga katigulangan karon, nasayod sila kung asa sa Cagayan de Oro  ang dapit nga hulaw-hulaw. Maanyag si Magdalina, mao tungod sa iyang hitsura adunay daghan nga mga lalaki ang buot naninguha kaniya luyo pa man nga ingon niana ang matang sa iyang pagkababaye.

Naninguha gayud ako kaniya pinaagi sa akong guitara ug paningog. Kanunay ako mangharana kaniya. Tuod man, gidawat niya ang akong gugma tungod kay adunay pagtan-aw usab siya kanako.

Sukad niadto, malipayon kaayo kami sa among relasyon. Gani, usa ka panahon niana, dili na unta ako buot nga mosulod pa siya sa matang sa iyang trabaho apan nagdumili siya tungod kay siya ra ang gi-asahan sa iyang pamilya niini. Dili usab ako, makahanyag kaniya sa dakong kantidad aron lang makatabang ko sa iyang pamilya tungod kay usa lamang ako ka kutsero kaniadto. (May sumpay pa ugma, atangi kay labing nindot kini nga sugilanon).

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: