Home > Balita > PNP director luwas sa ambush, sinulat ni Arjay Felicilda

PNP director luwas sa ambush, sinulat ni Arjay Felicilda

CAMP Rodriguez, Butuan City––Nakalingkawas sa nagpungasing mga bala ug bomba ang director sa Police Regional Office-13 (Caraga Region) nga si P/Chief Supt. Renaldo  Rafal.
Hapon sa petsa-tres ning bulana, ang grupo ni Director Rafal gi-ambush sa mga ‘rebeldeng’ NPA sa Purok-6, Brgy San Roque, Kitcharao, Agusan Norte.

Sila padulong sa Surigao Norte aron unta sutaon ang  pangatake sa NPA sa mga minahan sa Claver.

Sila sakay sa pribadong mga sakyanan inubanan sa ginsakpan sa 13th Police Regional Public Safety Battalion.

Gawas sa lainlaing matang sa armas, gipabuto sab sa mga ‘rebelde’ ang improvised nga mga eksplosibo.

Mibalos sila si Director Rafal ug nakabiya sa ‘killing
zone’ human sa 10 minutos nga pinusilay. Nadugmok ang windshield sa police patrol cars.

Na-igo sa mga ‘rebelde’ ang usa ka Bachelor Express bus nga padulong sa Surigao City. Duha ka pasahero nasamdan. Grabeng pagkaguba sa bus.

Naka-ayuda ang ginsakpan sa Agusan Sur PPSC uban sa mga tropa sa 44th Special Action Force. Sila ra pud ang nag-clearing sa ambush site.

Nag-imbestigar na sa ambush site ang Regional Crime Laboratory Office (RCLO-13) samtang gidala dinhi sa Butuan ang nagubang bus aron i-forensic exam.

Ang Regional Intelligence Division, ubos ni P/Supt. Joseph Plaza ug Kitcharao Police maoy nag-secure sa mga imbestigador.
Sila si Director Rafal naka-uli dinhi sa dakbayan, alas-7:30 sa gabii sa mao ra gihapong petsa. (uban sa report sa PIA-13 ug PRO-13)

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: