Home > Bukidnon Edition > Tanker gisunog sa mga armado,sinulat ni Sammy Te

Tanker gisunog sa mga armado,sinulat ni Sammy Te

USA ka Fuel Tanker ang gisunog sa walo ka mga armadong tawo didto sa Sitio Sunflower, San Jose, Quezon,Bukidnon kaniadtong Oktubre 4 sa may alas dose ang takna sa kagabhion.Ang maong truck nga usa ka “Super Great Fuso” nagdala sa Plate number KER  379, puti ang kolor nga gimaneho sa usa ka Ariel S. Pamat, hingkod ang panuigon, lomopyo sa Barangay Sasa Davao City nga matud pa gidala ug  hauler sa Phoenex gasoline, sa mga armado sa  wala masayri nga dapit.

Sigun sa imbistigasyon sa Quezon PNP nga gipangoluhan ni PCI Jumalon Bembo Patagoc nga ang mga armadong  tawo mition sa ilang mga armas ngadto sa maong driver human nila gipahunong og ang nahisgotang sakyanan gidala sa usa ka suok nga lugar dayon gisunog. Matud pa nga adunay usa ka granada ang gitaud sa maong truck apan wala kini makaboto.

Nasunog ang ulo nga bahin sa maong  truck nga kasamtangan wala pa masayri ang kantidad saa danyos niini.

Nasayran sa MDB nga gipangkuha sa mga armadong tawo ang mga cellphone sa mga kawani sa MM Enterprises nga maoy nagkontrrol sa mga sakyanan sa dapit nga ilang  gisemento ayha ang pagpahunong sa nahisgotang tanker, nga matud pa walay sulod human kini mag deliver gikan sa Iligan City.

Miresponde sa maong insidinte ang mga sakop sa 3rd Maneuver Company sa 10th PNP Regional Public Safety Battalion uban sa mga sakop Philippine Army 8th IB ug sa mga kapolisan sa Quezon nga sa kasamtangan padayon pang nagpahigayon sa makuting imbistigasyon kung unsa nga grupo ang mihimo sa ingon.

Categories: Bukidnon Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: