Home > Bukidnon Edition > Palasyo mikondena sa mga pag-atake sa mga NPA rebels , sinulat ni Ruby Leonora Balistoy

Palasyo mikondena sa mga pag-atake sa mga NPA rebels , sinulat ni Ruby Leonora Balistoy

MALAYBALAY City, Bukidnon––Ang Malacañang mikondena sa gihimo nga pag-atake sa mga suspetsadong miyembro sa New People’s Army sa kompaniya sa minahan sa Surigao del Norte.Kini usab gi-ubanan saa pag deklara nga gamiton ang kinatibuk-ang kusog sa balaod aron nga masilotan ug madala sa hustisya ang mga nagpasiugda sa naasoy nga krimen.

Si Presidential Spokesperson Edwin Lacierda mitaho sa mga reporters sa Malacañang nga  ang gobyerno magpadayon sa tinguha niini alang sa kalinaw tali sa mga rebeldeng grupo.

“Atong gikondena ang brutal ug bayolente nga gihimo sa rebeldeng grupo. Apan ang kalinaw maoy mas maayo nga alternatibo sa giyera, busa naningkamot kita sa proseso alang sa kalinaw,” matud ni Lacierda.

“Atong padayunon ang atong paningkamot nga makab-ot ang negosasyon alang sa kalinaw tungod kay nagatu-o kita nga mao kana ang mas maayo nga pamaagi,” dugang sulti niya.

Miingon si Lacierda nga pagkahibalo niya sa insidente niadtong Lunes sa hapon, ang Presidente mipatawag diha-diha ug ‘Cabinet cluster meeting’ nga nagtutok sa seguridad.

Miingon siya nga gimando-an sa Presidente si Defense Secretary Voltaire Gazmin alang sa pagpahigayon ug ‘threat assessment’ ug pag ‘review’ sa ‘operational procedures’ aron nga mahibaw-an kinsa kadtong mga ‘vulnerable targets’ sa mga CCP-NPA-NDF.

“Usa kana sa mga paagi aron kanunay kita nga makig-alayon sa komunidad ug aron usab atong mahibaw-an daan ang mga nagkalain-laing pagsuta sa mga pagpanghulga,” matud ni Lacierda.

Iyang gipanawagan ang liderato sa NPA nga magkalma ug makigsabot sa kagamhanan aron makab-ot ang tinguha nga kalinaw.
“Mao kini ang hugot nga ‘commitment’ sa atong gobyerno o administrasyon: Atong depensahan ang atong katawhan ug ilang maseguro nga dili kita muhunong diha lamang sa pag-gukod sa mga rebelled,” matud ni Lacierda.

“Atong gipanawagan ang liderato sa CPP-NPA-NDF nga unta magmakalma sila ug isugyot nila sa ilang mga tropa isip kalabot kini sa pagmugna sa pagsalig sa kagamhanan alang sa kalinaw,” dugang sulti niya.

Ang mga suspetsadong miyembro sa NPA mi-atake sa tulo (3) ka mga ginganlan nga kompaniya sa minahan: Nickel Asia Corporation, Platinum Metals Group ug THPAL Mining Company; tanan anaa nahimutang sa Claver, Surigao del Norte.

Sumala sa mga reports, mikabat sa 200 ka mga rebelde ang nagsunog sa napulo (10) ka mga dump trucks, walo (8) ka mga backhoes, duha (2) ka mga lantsa ug usa ka guesthouse.

Ila usab gipang-ilog ang mga armas sa mga private security guards ug gipang dugmok ang mga ‘computers’ sa opisina sa maong ‘mining site.’

Categories: Bukidnon Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: