Home > Balita > Bus natusaktusak sa bala ug bomba, sinulat ni Arjay Felicilda

Bus natusaktusak sa bala ug bomba, sinulat ni Arjay Felicilda

CAMP Rodriguez, Butuan City––Gikompirma sa Scene of Crime Operatives (SOCO-Caraga) nga natusaktusak sa mga bala ang bus 3172 sa Bachelor Express, Inc. atol sa ambush niadtong hapon sa Lunes.Matud ni P/Supt. Martin Gamba, info officer sa Police Regional Office (PRO-13), nga ang bus nga gimaneho ni  Mr. Ruben Bernaldez Madrijanon, nadahig sa maong pagpamanhig nga gipasangil ngadto sa NPA diha sa P6, Brgy San Roque, Kitcharao, Agusan Norte.
Duha ka pasahero, nasamdan atol sa hitabo samtang naguba ang bus nga padulong unta ngadto sa Surigao City.

Gawas sa lainlaing mga bala, namatud-an sa SOCO nga ang bus na-igo sa shrapnels sa improvised explosive device  (IED) o bomba.
Sa takna sa pagkutlo ning maong balita, nagpadayon ang trajectory examination sa bus diha sa Regional Crime Laboratory Office 13.

Kahinumdoman nga kaniadtong alas-4 sa hapon sa petsa-tres ning bulana, gi-ambush sa gitoohang ginsakpan sa NPA ang convoy ni Police Chief Supt. Reynaldo Rafal, regional director sa PRO-13, kinsa moresponde unta sa nahitabo sa Taganito Mining Corporation (TMC) ug duha ka laing kompaniya sa mina nga giatake sa  200 ka NPAs.

Ang ambush nahitabo mismo sa dapit nga nahitabo-an sa bus. Walay nasamdan o namatay sa grupo ni Director Rafal atol sa 10 ka minutos nga pinusilay, apan nabungkag ang windshield sa patrol car sa 13thRPSB.

Mi-atras ang mga ‘rebelde’ tumong sa bukirong bahin sa Kitcharao dala ang samaran ug nakalas nilang mga kauban.

Narecover dool sa blasting site ang kapid-an ka nakabutong bala sa m16, 30 metros nga wire, tent cover, mga baterya, tulo ka basiyong lata sa sardinas ug kalo.

Ang maong mga butang gi-eksamin karon sa RCLO-13, nagkanayon si P/Supt. Gamba. (uban sa datos ni SPO1 Arturo S Campania, PRO-13 Info Office)

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: