Home > Caraga Edition > NPA ‘nangayo’ P125 milyones sa Taganito?,sinulat ni Arjay Felicilda

NPA ‘nangayo’ P125 milyones sa Taganito?,sinulat ni Arjay Felicilda

SURIGAO Norte––Upat ka adlaw human gi-atake sa mga ‘rebelde ang Taganito Mining Corporation (TMC), migimaw ang estorya nga ang NPA nagdemanda og P125 milyones matag tuig gikan sa maong kompaniya.Matud sa report, wala misugot ang TMC mao nga kini ug duha ka mga apiladong kompaniya, gisulong sa 200 ka mga ‘rebelde’, buntag sa petsa-tres ning bulana.

Ang tigpamaba sa NPA nga si George ‘Ka Oris’ Madlos miingon nga ilang gisilotan ang TMC tungod sa labihan ka-ubos nga sweldo sa mga trabahante niini ug pagbaliwala sa mga isyu sa mga lumad.

Gipasanginlan usab ni Ka Oris ang TMC nga maoy migusbat sa kina-iyahan sa Claver.

Sa laing bahin, natumbok na sa militar ang  giluklokan karon sa mga ‘rebeldeng’ miatake sa nahisgotang mga minahan.

“Nakaposisyon na ang atoang mga tropa ug sa dili madugay sigurado ako nga magsugod na ang binakbakay,” matud ni Col. Rodrigo Diapana sa 402nd Brigade, Philippine Army.

Gibutyag ni Col. Diapana nga sa bukid miagi ang mga ‘rebelde’ sa ilang pagsulod sa TMC ug mikumander dayon sa kapid-an ka mga dumptruck.

Gipadiskarga sa mga ‘rebelde’ ang mga kargamento tungatunga sa kadalanan mao nga naglisod pagresponde ang kasundalohan, matud ni Col. Diapana.

“Misamot kabikil ang among lihok kay nananom og improvised explosive devices (IEDs) ang mga rebelde ilalom sa mga tulay, kadalanan ug mismo sulod sa TMC compound,’ asoy ni Col. Diapana.

Mikomentaryo siya nga ang mga ‘rebelde’ dili angay magpaka-aron ingnon nga environmentalists “kay sila mismo gibantog nga tigpamutol og mga kahoy sa Caraga Region.”

Gipasanginlan usab niya ang NPA nga kusog kaayong mangilkil sa illegal loggers sa miaging mga panahon.

Kompirmahon pa sa Mindanao Daily Balita (MDB) ang report nga gibalibaran sa TMC  ang tanyag sa militar nga matabang pag–security sa ilahang compound.

Panaghi-usa ang panawagan ni Col. Diapana tumong sa katawhan aron maundang ang NPA ug ubang mga pundok nga gustong mopi-ang sa gobiyerno sa Pilipinas. (uban sa report sa PIA-13 ug PRO-13)

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: