Home > Opinyon > BSU sa Kalilangan grabe ka bulastog?

BSU sa Kalilangan grabe ka bulastog?

UNSA kining akong nadawat nga reklamo gikan sa pipila ka mga estudyante sa Bukidnon State University diha sa Kalilangan, Bukidnon nga matod pa labihan kaayo daw ka bulastog ang mga cashiers sa maong tunghaan.Dugtong niini, ang ilang cashiers sa maong tunghaan, panahon sa examination, dili modawat sa promissory note sa mga estudyante ug ginikanan bisan pa man nga adunay ikabayad, apan kulang lang og dyutay para sa ilang tuition.

Halos mohilak na og dugo ang mga estudyante aron lamang maka-apil sa ilang pasulit.

Maoy tima-an unta sa mga cashiers ug tagdumala sa maong tunghaan nga kanang inyong gitungtongan diha, iya kana sa gobiyerno ug dili inyong kaugalingon. Kinahanglan unta angay-angay ang pagdumala diha kay sa katawhan man kana. Wala ba kamo nasayod nga halos mga anak sa kabus ang nagtungha diha. Hatagan unta ninyo sila og igong kosiderasyon panahon nga maapeki sa pagbayad sa tuition.

Ang municipal government unta diha sa Kalilangan, angayan nga ilang e-regulate kining maong tunghaan kay basta state college na gani, adunay dakong katungod ang local government niana. Gumikan kay nahisakop man kini sa ilang lungsod, ilang ipatawag sa konseho ang kadagkuan sa BSU aron matauhan. Adunay katungod ang mayor sa pagpakgang sa maong tunghaan aron ang mga cashiers modawat bahalag wala ma-insakto ang ibayad sa tuition sa mga bata, ug aprobahan nila ang maong promissory note. Total bayaran man gihapon kana sa ilang mga ginikanan.

Pagka-walay kasingkasing kining tagdumala diha nga unta dili man kana usa ka pribadong tunghaan.

Hinaut unta ang mayor sa maong lungsod nga mahatagan sa dakong pagtagad ang maong yangungo sa mga estudyante aron masulbad na kini.

Categories: Opinyon
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: