Hataw, mga agaw!
BAG-O lang gisaulog ang Elderly Filipino Week (Oct. 1-7, 2011), anus-a gipasabot pag-usab ang mga prebilihiyo sa senior citizens, subay sa Republic Act 9257 (Expanded Senior Citizens Act of 2003 ug uban pang mga balaod.
Lakip sa discounts ang medical and dental services, medisina, hotels, restaurants, sinehan, transportasyon, funeral parlors, groceries ug uban pa.
Ang mga nagtrabaho sa pribado ug publikong sektor, maka-apply sab og retirement benefits sa GSIS o SSS pag-abot sa 60 – 65 anyos.
Apan nasayod ba kaha ang tanan kanila mahitungod sa maong mga kaayohan? Kung duna man ugaling kanilay wala pay kalibotan ning atong gipanghisgotan, kinsay basulon?
Sa lokal nga pangamhanan, anaa ang Office of the Senior Citizens Affairs (OSCA), apan naabot ba gayod kaha ang tanan?
Sa bahin sa senior citizens, nahinangop ba sab kaha silang tanan niana nga mga kaayohan? Gahi ra ba’g ulo ang uban kanila. Dili gani motambong og katiguman ug ganit kaayong mobayad sa ilahang obligasyon sa OSCA.
Ang pait ra ba kay kung mobabay na sila ning kalibutana, maghaguros dayon ang ilahang mga paryente nganha sa OSCA, mangita sa mga benepisyo sa ilahang namatay nga kabanay. (Hulagway sa PIA-13)
