Home > Dear Kuya Sonny > Panimalos sa bana nga walay puangod!

Panimalos sa bana nga walay puangod!

“Unang Yugto”
(MGA higala, ang atung sender karon, iyang gipadala kini sa post office aron lamang makasalmot siya ning atung lindog. Atung itago  ang iyang bansagon aron pagtabon sa iyang kaugalingon tungod kay matuod usab kini nga panghitabo sa kasaysayan sa iyang kinabuhi).

DEAR Kuya Sonny, ako si Rhea, 28 anyos ang panuigon, minyo ug karon bulag na sa akong bana ug ania mahimuyo dinhi sa dakbayan sa Cagayan de Oro.

Nagsugod kining akong sugilanon tulo ka tuig na ang nakalabay. Samtang 25 anyus pa lamang ako, akong gikahibalag ang usa ka lalaki nga maoy nahimo kong bana. Sa dihang nag-ipon na kami, ako na lang nasayran nga siya diay usa ka  iresponsabli nga pagkatawo, halos  tanan nga salawayon’g mga butang ang anaa gayud kaniya sama sa pagpangulata, palahubog, sugarol ug labaw sa tanan babaero.

Akung giantos lamang kadtong tanan luyo pa man sa iyang kinaiya nga dili makaon sa iro tungod ug alang lamang sa among mga anak.

Sa akong pagka-asawa, kanunay ako magpa-ilalom sa mga bulohaton sa panimalay ug motimbang gayud ako kaniya aron makab-ot unta namo ang kalinaw ug kahamugaway sa among pagpuyo. Apan kawang ang tanan kay siya walay puangod nga matang sa pagkabana.

Tungod kay nakita nako ang among kawad-on bunga sa pagka iresponsabli sa akong bana, nakahukom ako nga manarbaho, ug nakasulod gayud ako isip usa ka factory worker sa dakong kompanya dinhi sa dakbayan sa Cagayan de Oro.

Samtang ako nanarbaho, daghan gayud nga mga kalakin-an ang nakadayig kanako mahitungod sa akong hitsura kay dili daw ako maalaan nga usa na ka minyo, tungod kay tisay man usab ako. Kung sila ang pa-estoryahon, susama daw ako sa hitsura ni Angelu De Leon ug may pagkamay-ong usab ni Precila Almeda. Maoy hinungdan nga dili gayud malikayan nga daghan kalakin-an ang magpa-ibid-ibid kanako ug naglaway sa akong kaanyag.

Gumikan sa akong kalagot ug kahiubos sa akong inutil nga bana, nakabaton ako ug kirelasyon sa usa ka lalaki. Gikahibalag nako ang maong lalaki kinsa dili gwapo, sa laktod pangit kining tawhana apan buotan kaayo ug responsabli. Dili pareha sa akong bana nga gwapo unta apan demonyo og kinaiya.

Miabot gayud ang panahon nga miuban ako sa maong pangit nako nga uyab-uyab ngadto sa mabugnaw nga dapit ug syempre alang-alang magrosaryo mi…nakigtagay ako sa kalipay uban kaniya ug grabi siya mo ULBO2X. Lupigan pa ang akong bana diha sa natad sa eskrema, parayig ug pagmahal. Makapangita gihapon kita sa address kaniya bisan siya nga usa ka pangit…pangitaon diay. (Sumpayan pa ugma)

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: