Home > Love Letters > Babayeng Mata Pobre

Babayeng Mata Pobre

“Ikatulo ug Katapusang Yugto”
.TUNGOD kay nasaksihan ni Nilda nga kabus lamang kami, kalit nangyam-id ang iyang pustora ug dayon mikanaug sa giabangan namong panimalay.

Pagka-ugma niana, natagbuan nako si Nilda uban sa iyang higala nga maoy nag bridge kanamo atbang mismo sa City Hall ug kalit  misimag ang iyang mga mata kanako dayon’g pasutoy og lakaw, gibiyaan ako ug ang iyang suod nga higala.

Akong gipangutana ang among “bridge” nganong nasuko si Nilda kanako ug siya miingon “Sonny, gikasilagan kaayo ka ni Nilda kay ang iyang pagtuo nga sapi-an kamo, dili daw ikaw angay para kaniya kay adunahan sila.”

Ako siyang gitubag Kuya “wala man ako manghinambog kaniya nga mao kana ako, ako man gani siyang gisultihan sa matuod nga kabus lamang kami ug giklaro pa nako niya nga nangabang lamang kami og pinuy-anan kay bag-ohay pa nasunog ang among balay. Gawas pa, wala man kami relasyon nga angay niyang ikasuko.” Daghan pa ang gitamay niya diri kanako kuya ug nahugno gayud ang akong kaugalingon niadto.

Midali ako pagpa-uli ngadto sa balay gumikan sa kasakit sa akong gibati nganong iyang gipanghimaraut ang akong pagkatawo.
Nakatulo ang akong mga luha niadto ug misinggit ako ug nagkanayon KINSA BA ANG MAY SALA!!!

Wala man unta ako makasala kay nagsulti ra man ako sa tinuod kaniya nga mao kana ako, usa lamang ka anak sa kabus. Mikuha akog kutsilyo kay buot na unta nako hunosan ang akong kinabuhi puslan man nga mao diay kana ang matang sa akong pakatawo.

Apan midali pagpugong kanako ang akong inahan ug nagpasabot kini nga dili nako mahayan ang gipamulong sa maong babaye kay mao man kana ang kamatuoran.

Midugang sa pag-ingon ang akong inahan “anak, sugod karon ayaw na pangita sa babaye nga dili nimo ka level sa imong kahimtang hinunoa pangita sa usa ka babaye kinsa ka level sa imong nahuptan nga edukasyon aron magmalipayon ka sa tibuok nimong kinabuhi.

Sukad niadto kuya nakatuaw ako nga ang angay para sa akong kinabuhi mao ang susama sa akong kahimtang apan ka level sa akong edukasyon.

Dangtan sa tulo ka tuig gikan niadto, aduna akoy gikahibalag nga duroha ka hinigugma nga pulos mga professionals apan sa dihang nasayran nako nga ang usa niini anak sa adunahan, ako na ang milaylo ug nagpalayo kaniya diin ang akong gipalabi ug giminyoan mao ang sama kanako nga anak sa kabus apan ka level sa edukasyon kinsa nag-alagad isip usa ka government employee.

Karon, usa na ako ka famous nga pagkatawo ug nagpadayon pa gihapon alang sa pagkab-ot pa sa dugang nga mga kalampusan sa kinabuhi.

Daghang salamat Kuya sa imong pagtagad ning kaagi sa akong kinabuhi.
Imong magtatampo,
Sonny

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: