Home > Bukidnon Edition > Mayor dismayado sa mga opisyales, kapolisan, militar, sinulat ni Ruel Pelone

Mayor dismayado sa mga opisyales, kapolisan, militar, sinulat ni Ruel Pelone

DISMAYADO ang mayor sa lungsod sa Kitaotao tungod sa ka walay gana sa mga opisyales sa probinsiya sa Bukidnon kung hisgutan ang “peace talks” tali sa mga rebeldeng New People’s Amry (NPA) ug sa lokal nga pangagamhanan.Sa iyang pakighinabi sa Radyo Mo Nationwide nga gi-published online sa http://www.rmnnews.com, si Mayor Rodito Rafisura miingon nga dismayado siya tungod kay wala man nagkahiusa ang mga lokal nga opisyal sa lalawigan sa Bukidnon, apil na ang militar ug kapolisan diha sa hisgutanan sa “kalinaw.”

Apan bisan pa sa maong sitwasyon, dako lang gihapon ang paglaum sa mayor nga mapatuman ang hisgutanan diha sa kalinaw sa tibuok probinsiya sa Bukidnon.

Matod ni Rafisura nga angayan nga magkahiusa ang tanan aron makab-ot ang tiunay nga kalinaw dili lamang sa probinsiya sa Bukidnon kon dili sa tibuok Mindanao.

Sa laing bahin, gikastigo ni Mayor Rafisura ang kakulang sa kahibalo sa kasundalohan ug kapolisan diha sa pagproseso aron makab-ot ang kalinaw sa lalawigan sa Bukidnon.

Pasabot ni Rafisura nga kinahanglan nga kanunay nga andam ang lokal nga mga opisyales, kapolisan ug kasundalohan sa pag facilitate kung aduna may mga bihag nga buhian ang mga komunistang rebelde sa probinsiya sa Bukidnon.

Nasayran nga upat ka mga lungsod ang mihangyo sa opisyal sa militar nga andam sila pag facilitate aron mabuhian ang 4 ka bihag nga mga jailguards.

Natingala ang kadaghanan tungod kay didto naman hinoon gibuhian ang 4 ka mga jailguards sa lungsod sa Magpet, North Cotabato.

Categories: Bukidnon Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: