Home > Balita > Pagsaulog sa senior citizen’s day malampuson, sinulat ni PJ Tremedal

Pagsaulog sa senior citizen’s day malampuson, sinulat ni PJ Tremedal

Oroquieta City––Dili lang sila mga modela sa karon nga henerasyon kun dili sila matud pa ang gabay, tulay, ug bantay paingon sa ensaktong dalan sa kalambu-an, kini nga mga pulog nagtumbok ngadto sa tanang katigulangan kun mga senior citizen sa nasud.Dinhi sa Oroquieta, gisaulog nga malampuson ang ilang ka-adlawan kun Senior Citizens Day ning miaging adlaw isip usa sa mga kalihukan sa usa ka bulan nga selebrasyon sa kapistahan sa syudad sa pangilin niini sa mahal na patron, Berhin sa Sto Rosaryo.

Nasayran pinaagi kang Mr. Dominadro Laurete, kasamtangan nangulo sa buhatan sa Office of the Senior Citizen Administration (OSCA) sa syudad, nga sa maong adlaw ubay-uay ka mga kalihukan sa mga katigulangan ang ilang iha-um sa selebrasyon.

Dugang niini, nga sa kalihukan magpili usab sila ug mga Senior Citizens isip “Magic 5” sa ka-angayan, ka-gwapa ug maanindot nga pustura sa mga lola ug lolo.

Sa mao usab nga kalihukan namulong sila City Mayor Jason P. Almonte ug Gobernador Hermie M. Ramiro aron subli nga ipasalig ug pagabuhaton ang tarong nga pangagamhanan alang sa dili lang kanila nga katigulagan kun dili sa tanang henerasyon sulod sa ilang administrasyon, dala ang respeto ug kaangayan ug kalambo-an.

Sa maong mensahe nalipay ang mga senior citizen nga nabati nila ang mga kaaku-han sa mga namun-an sa pangagamhanan sa syudad ug probinsya nga wala makawag ang ilang mga nauna nang nahimo ug nabuhat alang sa musunod nga henerasyon, mga anak, ug mga paryente nga sa karon nga henerasyon mapadayon ang kahi-usahan, kalinaw, ug kalambu-an.

 

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: