Home > Dear Kuya Sonny > Panimalos sa bana nga walay puangod!

Panimalos sa bana nga walay puangod!

“Ikatulong Yugto”
BISAN pa man nga nagbulag kami sa akong walay puangod nga bana, apan wala usab magmakuli sa pagsustento ang amahan sa akong “special child” sama sa gatas ug tambal ingon man mga vitamins.

Kanunay gayud siya molantaw sa among sitwasyon bunga sa iyang pagka-maayo, pagkamasinabtanon ug pagkabuotan kung diin makaingon ako sa akong kaugalingon nganong dili pa man siya ang akong nahimong bana.

Kanunay gayud nako gi-amuma ang akong “special child” tungod kay talandugon ang kahimtang sa iyang panglawas. Gamay lang og bikil kaniya, magsakit na dayon. Samtang ang amahan niya, dili usab magmakuli sa pagpatambal sa doctor ug pagpalit sa tambal panahon ang bata adunay balati-an.

Hangtod miabot na sa usa ka tuig ang among “special child” diin milutaw gayud ang iyang pagka-tisoy gumikan kay diri kanako siya miluwat. Samtang ang pangit kung karelasyon nga maoy amahan sa akong deperensyadong anak ang kanunay pa gihapon sa pagsuporta sa financial para sa among anak.

Buot na unta makig-ipon kanako si pangit Kuya apan wala gayud ako mouyon tungod kay gilantaw baya nako nga dakong minyo ako apan bulag lamang sa bana.

Ako lamang siyang gipasabot nga paaboton lang namo ang tukmang panahon kung mahingpit na gayud ang among panagbulag sa akong bana. Hinuon nakasabot siya kay bisan luyo sa iyang pagka-pangit apan masinabtanon kini.

Dili gayud diay nato Kuya Sonny, mahibaw-an ang dagan sa panahon human miabot ang usa ka tuig ug siyam ka bulan ang pangidaron sa akong “special child” kung diin adunay panghitabo nga daw midat-og kanako ang kalangitan daw dili nako mapas-an ang tanan gumikan sa kapintas sa maong panghitabo nga midangat kanako niadtong higayona. (Atangi ang dugang sumpay ugma).

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: