Home > WestMin Edition > Patigayon sa Iligan City mas palig-onon, sinulat ni Boy Decena

Patigayon sa Iligan City mas palig-onon, sinulat ni Boy Decena

ILIGAN City––Gipaningkamutan karon sa pamuno-an ni Mayor Lawrence Ll. Cruz nga mapalig-on pa ang panagtambayayong sa kagamhanan ug sa sektor sa patigayon diha sa pagpalambo sa negosyo sa dakbayan.
Sumala ni Vice Mayor Henry Dy, kini mao ang usa sa mga estratihiya nga ipatuman sa siyudad agi’g pagpangandam sa nakaung-ong nga pagkunhod sa internal revenue allotment kon IRA share sa sunod nga tuig tungod sa ubos nga koleksiyon sa nasudnong kagamhanan niadtong tuig 2009 ug ang kamugnaan sa 16 ka mga bag-ong siyudad.

Dugang niini, mipahayag si Kagawad Frederick Siao sa Sangguniang Panglungsod (SP)  nga nagkahiusa gayud ang kagamhanang lokal, tulo ka mga chambers of commerce ug uban pang mga ahensiya ug organisasyon diha sa dugang pagpadasig sa negosyo sa atong dapit pinaagi sa pagsaulog sa Iligan Business Month niining bulan sa Oktubre.

Alayon niini, gilantaw usab sa siyudad ang pag-review sa investment promotion program sa siyudad ug dugang pagpasayon sa proseso sa paglukat og business permits pinaagi sa Business One Stop Shop.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: