Home > Opinyon > Traffic enforcers taliwala sa ulan

Traffic enforcers taliwala sa ulan

MAAYO ba kaha ang plano ni Councilor Alden Bacal sa dakbayan sa Cagayan de Oro nga panahon sa pagbunok sa ulan adunay mga traffic enforcers kinsa mopahigayon sa pagbantay gihapon diha sa taliwala sa atung kadalanan aron lamang magpabilin ang kahapsay sa dagan sa trapiko.Kini maoy gitutokan ni Bacal, human siya ang personal mismo nga nakasinati nga kalit mangahanaw ang mga traffic enforcers tungod kay magpasilong dayon ngadto sa kadaplinan panahon mobundak ang ulan diin kini maoy hinungdan nga mabukog gayud ang kadalanan sa dakbayan.

Buot ipatigbabaw niya nga bisan pa man sa panahon kung adunay ulan kinahanglan gayud nga ang mga enforcers magpabilin sa ilang posting pinaagi sa paggamit sa raincoats aron mapatunhay pa gihapon ang kahapsay sa atung kadalanan.

Matod pa sa katawhan, dili ba kaha makahatag hinuon kini sa pagkapakyas sa pagtunga sa mga enforcers ngadto sa ilang area of assignment tungod kay magsakit na hinuon?

Dili ba kaha mosamot na hinuon ang problema tungod kay kung mabasa lang gamay bisan pa man nga naka-raincoats pa sila, hilantan usab dayon. Kung maingon niana sila, naturalmente nga dili na usab matrabaho?

Maoy timan-e, kung ang tawo kanunay kini mainitan sa adlaw ug maulanan usab, mosangko gayud ngadto sa pagkabalatianon. Sama sa mga traffic enforcers kinsa matag adlaw’ng tanan ang kanunay mainitan sa adlaw.

Makapangutana ang katawhan ngadto kang Bacal nga magpasilong man gani ang kabaw nga adunay upat ka mga tiil. Mopasilong gani ang mga ITIK kung maigo sa ulan nga kinaham man unta ang pag-utaw-utaw niini sa tubig?

How much more sa traffic enforcers nga mga tawo lamang sila kinsa mas talandungon ang ilang panglawas kung itandi sa mga hayop.

Matod pa sa pipila ka observers nga sa panahon mobundak ang ulan, pipila ra man ang mga sakyanan nga magpanawan sa kadalanan. Lahi ra  gayud ang gidaghanon niini kung walay ulan.

Angayan hatagan og dakong bili ni Konsehal Bacal kung makatarunganon ba kini ipatuman o dili.

Categories: Opinyon
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: