Home > Opinyon > (Ang) Mahal kong kuryente

(Ang) Mahal kong kuryente

USA  ka dakong lihok protesta batok sa walay puas nga pag-saka sa presyo sa kuryente ang gipahigayon sa dakbayan sa Iligan niadtong adlawa nga Martes, Oktubre 11, 2011.
Ang maong lihok protesta nagsugod sa alas 4 ang takna sa hapon pinaagi sa usa ka march/rally  gikan sa Barangay Tubod duol sa GSIS building libot sa kadalanan sa sentrong bahin sa syudad Padulong sa Public Plaza.
Didto sa Public Plaza gilayon mipuli-puli  ang mga mamumulong sa pagbatikos sa gikaingon nga gamut-hinungdan sa padayon nga pagsaka sa balayronon sa kuryente.
Ang nasangpit nga lihok protesta agig sanong sa panawagan sa  Freedom from Debt Coalition usa ka kahugpungan sa mga nagpakabanang katawhan didto sa kaulohan aron mahatagan ug katilingbanong hustisya ang dili makatarunganong pagpahamtang sa balayronon sa kuryente.
Ang panawagan naglakip sa pagsalmot digha sa pagpalong sa tagsa-tagsa ka suga sa mga panimalay gikan sa alas 7:30 hangtud sa alas 8:00 ang takna sa gabii, Oktubre.11, 2011.
Dinha sa dakbayan sa Iligan ang protesta gisalmutan sa Lanao Power Consumers Federation (LAPOCOF)  mga Civil Society Organizations ug mga nagpakabanang Katawhan gikan sa nagkalain-laing sektor sa katilingban.
Ang mga mamumulong misaway sa dili makatawhanon nga mga probisyon sa Electric Power Industry Reform Act R.A.9136 (EPIRA LAW)  tungod sa madaug-daugon nga epekto niini sa katawhan hilabina sa mga kabus. “Napulo na ka tuig ang nilabay gikan sa pag pasar sa maong balaodnon apan misamot na hinuon ang pagmahal sa kuryente.”
Sumala pa sa mga konsumante. Ang nabulahan lamang sa maong EPIRA LAW mao lamang ang mga dagkong pribadong magpapatigayon nga maoy nanag iya sa dagkong bahin sa National Power  Corporation (NAPOCOR) ug National Transmission Corporation (TRANSCO)  tungod sa programa sa privatization ilalum sa EPIRA.
Samtang wala masulbad ang mga black out gipapas-an pa gayugd sa mga konsumanting katawhan ang dili masabot nga Universal charge, Generation, Systems Loss, Value added Tax, Hangtod nga dili mabasura  ang EPIRA law.
Wala gayud kitay mapaabot nga pagba-o sa Power Industry.  Ang kuryente nga usa ka batakang  serbisyo gikan sa kagamhanan gisalikway ug gipasa kini sa mga mapahimudsanong negosyante.
Ang gipasiatab nga baratong paggama sa elektrisidad nga gikan sa Agus ug Pulangi taman lang sa hambug. Ug ang himatyonon nga industriyalisasyon padayon nga malubong ug samot.
Busa angayan magbinantayon kita nga mga kunsumante niini nga panghitabo sanglit kita ra ang giluto sa atong kaugalingong mantika niining balod nga EPIRA.
Sa sunod natong kolum atong hisgutan usab ang kanunay nga pagka palong sa sugang dagitabnon sa Cagayan de Oro City ubos sa pagdumala sa CEPALCO O CEPALONG.

Categories: Opinyon
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: