Home > Bukidnon Edition > Balay gisunog, suspetsado detinado, Dahlia Benemerito

Balay gisunog, suspetsado detinado, Dahlia Benemerito

DETINADO karong ang usa ka lalaki human siya gisikop tungod sa pagsunog sa usa ka balay didto sa Barangay Little Baguio sa lungsod sa San Fernando niadtong Oktubre 10.Ang suspetsado giila nga mao ang 23-anyo nga si Roy Mancao, konduktor sa depasaherong sakyanan, ug lumulupyo sa susamang barangay.
Si Mancao nasikop sa mga volunteers sa Barangay Lumbayao sa syudad sa Valencia human nga positibo siyang gitudlo nga maoy misulod sa panimalay ni Junrey Payao ug misunog sa usa ka kuwarto.
Nakasulod si Mancao sa panimalay ni Payao pinaagi sa pagguba sa door knob.
Base sa pasiunang imbestigasyon sa kapolisan, gisunog matod pa ni Mancao ang kuwarto sa balay ni Payao agi’g panimalos.
Nasayran nga si Junrey ug Mancao ang nagkalalis sa wala pa matino nga hinungdan–ug kini gikasakit pag-ayo sa suspetsado.
Human nga masikop sa mga volunteers, si Mancao ang intrigar ngadto kang Barangay Kagawad Diosdado Payao sa Barangay Little Baguio diin mao usab ang mi-intrigar ngadto sa kapolisan.
SA laing panghitabo, usa ka tawo ang namatay ug usa ang karon nagpa-alim pa sa tambalanan human sila gitigbas sa suspetsado nga giila nga si Ernesto Borres didto sa Purok 4, Barangay Guinoroyan, Valencia City niadtong milabay nga adlaw.
Gideklarang dead on arrival sa Laveña General Hospital ang 40-anyos nga si Terson Burlas tungod sa ubay-ubay nga nawalang dugo samtang nagpa-alim pa ang laing biktima nga si Eric Sabanal.
Burlas ang matod pa gitigbas ni Borres diin nakatagamtam kini ug samad-tinigbasan sa tu-ong bukton ug abaga.
Si Sabanal naigo sa ulo human gitigbas usab sa suspetsado ug karon padayon pa nga gitambalan sa usa sa mga hospital.
Si Borres ang karon gipangita pa sa kapolisan human miikyas.
Sa laing bahin, patay usab ang 18-anyos nga si Analyn Duyan nga taga Barangay Kawayan sa lungsod sa San Fernando, Bukidnon.
Sumala sa report ni Punong Barangay Dionesio Santos sa Barangay Vintar, Valencia City nga si Duyan gitigbas matod pa ni Lugo Ongcud nga taga Barangay Vintar, Valencia City.
Si Analyn nakabaton ug samad-tinigbasan sa iyang walang bukton, 3 ka samad sa likod, ug usa sa nawong nga maoy gituohang hinungdan sa iyang hinanaling kamatayon.
Sa imbestigasyon, nasayran nga ang suspek nagsakay sa usa ka motorsiklo ug nga sa dihang iyang nakita ang magtiayong Duyan, kalit nga mikanaog kini sa motorsiklo dungan tigbas sa bana ni Analyn nga si Parres. Tungod kay nakadagan man si Parres, maoy gisumbalikan og tigbas ni Ongcud si Analyn.
Human sa maong hitabo, daling miikyas ang suspek nga si Ongcud gamit ang iyang motorsiklong gisakyan.
Giingon nga away sa pamilya ang hinungdan sa krimen.

Categories: Bukidnon Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: