Home > Love Letters > Bayot hingpit na nga babaye

Bayot hingpit na nga babaye

“Ikatulo ug Katapusang Yugto”

PAG-ABOT nako sa hospital Kuya Sonny, gi-atiman si Christopher sa mga doctors kay grabi ang iyang nahiagoman nga mga samad sa iyang kalawasan.
Naghulat ako sa hospital sulod sa tulo ka oras niadto uban sa akong mga higala. Walay pamilya ni Christopher nga nakatunga niadto tungod kay atua mahimuyo ang iyang mga ginikanan didto sa dakbayan sa Davao.
Human sa tulo ka oras, migawas ang doctor gikan sa emergency room ug amo dayon’g gitabo aron makisayod sa kahimtang niya.
Apan midat-og kanako ang kalibutan niadto human among nasayran nga wala maka-agwanta sa dagkong mga samad ni Christopher…namatay siya.
Igo na lamang ako sa pagbakho ug pagpatulo sa akong mga luha sa gidangatan niya. Nakatuaw ako nga kung wala pa unta ako manarato ngadto sa laing lalaki, dili gayud kadto mahitabo pa kaniya.
Sakit kaayo palandungon Kuya nga nawala siya sa akong kinabuhi. Dili lalim nga pila na ka mga katuigan ang ang among panag-uban apan sa takulahaw nahanaw sa akong mga panan-aw si Christopher. Buot na unta ako magwala sa akong kaugalingon sa maong panghitabo diha kaniya apan gipugngan ako sa akong mga higala.
Pagka-ugma niana, nahidangat ang mga ginikanan ug mga igsuon niya gikan sa dakbayan sa Davao aron ilang kuhaon ang patayng lawas ni Christopher.
Gidala kini ngadto sa maong dakbayan ug mikuyog ako niadto aron sa paghatod sa iyang katapusang pahulayanan.
Human nalubong ang patayng lawas ni Christopher, mipauli dayon ko dinhi sa dakbayan sa Dipolog aron akong banhawon og balik ang kagahapon tali kanamong duha.
Mao kadtoh Kuya Sonny ang akwong kaagih sa gugma sa kapid-an na ka mga ka tuigan ang nakalabay apan lab-as fa gihafon sa akong panumduman hangtod karonnn.
Daghang salamat Kuya sa paghatag nimo og dakong pagtagad ning kaagi ko sa kinabuhi. More power.

Imong magtatampo,
Dorah of Dipolog

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: