Home > WestMin Edition > Bidding process sa IDPP wala mahinayon, sinulat ni Jeffrey Oponda

Bidding process sa IDPP wala mahinayon, sinulat ni Jeffrey Oponda

ILIGAN City––Wala mahinayon kagahapong adlawa ang pagbukas sa mga bid proposals alang sa pagbaligya sa Iligan Diesel Power Plant ilalom sa Swiss Challenge process.Ang mayoriya sa mga sakop sa Sangguniang Panlungsod ang supak nga ipadayon ang bidding process samtang gipa-abot pa ang opinyon sa nasudnong buhatan sa Commission on Audit kalabot sa tukmang ceiling price nga basehan sa siyudad diha sa pagbaligya sa na-embargong planta.
Bugtong si City Councilor Moises Dalisay, Jr., ang chairman sa Ad Hoc Committee on IDPP Disposal ang mibutar pabor nga ipadayon ang bidding process sanglit siya man usab ang miduso sa mosyon alang sa maong lakang.
Ang mibutar og “No” aron ipadayon ang maong proseso mao sila si City Councilors Ruderic Marzo, Providencio “Bong” Abragan, Jr., Frederick Siao, Marlene Young, Simplicio Larrazabal III ug Chonilo Ruiz.
Mipahayag sa ilang “abstention” mao sila si City Councilors Ariel Anghay, Michelle Sweet, Bayani Areola ug Roy Openiano. Apan subay sa house rules sa konseho nagpasabot kini nga usa ka “No vote” susama ra kini sa abstention.
Wala makatungha sa maong  sesyon sila si ABC President Bernard “Tete” Pacaña ug SK Federation President Riza Jane Magaro samtang wala makabutar si City Councilor Joe Zalsos kinsa nagsilbing Acting Presiding Officer sa katiguman.
Angay’ng masayran nga milungtad sa kapin lima ka oras ang deliberasyon sa mga magbabalaod kung ipadayon ba o dili ang gikatakdang bidding process subay sa schedule diha sa Terms of Reference.
Mipahigayon ang SP og special session kagahapong adlawa aron unta mapahigayon ang bidding process sa pagdispatsar  sa maong IDPP.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: