Home > Opinyon > Binolastog nga panerbisyo

Binolastog nga panerbisyo

PASTILAN, naunsa na ba ang atung kapolisan karon nga adunay pipila kanila kinsa bolastog sa ilang panerbisyo diha sa pagtubag sa mga reklamo sa katawhan.
Tan-awa ra, napatay si PO3 Quirico Portallo human gipusil sa upat ka mga suspitsado nga nahitabo niadtong nakalabay’ng miaging simana diha sa ilalom sa flyover sa Barangay Puerto ning dakbayan sa Cagayan de Oro.
Ang iyang tulo ka mga kaubang pulis, wala mapublikar kung nakapabuto ba kini o wala. Apan dili kana nato hatagan sa pagtagad kay imposibli nga wala sila nakig-gubat.
Hinuon nadakpan ra ang tulo sa mga suspitsado niini human sa pipika ka takna apan ang gunman hangtod karon gawasnon pa.
Ang pangutana, nganong ang maong upat ka mga pulis, ang wala man mag-body system sa ilang responde nga unta nasayod naman silang daan nga armadong mga tawo kadtong ilang gilusob human ang usa ka mabuot nga lungsoranon kinsa mitawag sa Puerto Police Sstation aron masota ang gikadudahan nga upat ka mga tawo kinsa pulos armado.
Prior midasdas daan ang upat ka pulis, naka-red alert status na unta sila agi og pangandam kung unsay mahitabo.
Atol sa ilang paglusob niadto, nakati-on na unta ang ilang mga armas isip mga tingugyanan sa balaod diha sa pagrekisa aron safety ang ilang kinabuhi ug ilang ipaklaro ngadto sa mga suspitsado nga agi lamang kadto pagtino kay aduna silay nadawat nga reklamo bahin sa ilang pagkatawo nga nagbaton og armas de puego.
Tungod kay wala man nila buhata ang tukmang pamaagi sa pamolis, mao nakahigayon ang maong mga suspitsado sa pagsukol ngadto sa kanila ug maoy hinungdan nga napusilan-patay si Portallo.
Tungod niining mga kapakyasan sa atung pamolis dinhi sa Cagayan     de Oro, ang ilang mga kadagkuan mipahayag nga adunay ipahgigayon  nga retraining sa mga sakop sa kapolisan aron makabaton na sila og          hustong pagtubag sa mga kiriminalidad.
Dapat lang kay daghan kaayo kanila kinsa mga bolastog sa ilang katungdanan.
Bolastog in the sense nga ang uban niini, walay mga hinungdan. Unsaon na lang paghatag og dakong kompyansa ang katawhan diha kanila nga sila mismo mangamatay man gani luyo nga anaa silay mga armas?
Unsaon na lang pagpangayo og assistance ang mga magbubuhis nga sila mismo dili man gani safety ang ilang kinbuhi? Pagkalaksot kini palandungon.
Angayan lamang nga back to basic ang pamolis kon balik sa singudanan ug ipatuman ang maong retraining aron mahasa sila sa ilang pangatungdanan.
Ga sweldo lang ang katawhan gikan sa buhis para ngadto kanila tapos mao ba diay kana ang matang sa ilang pamolis? Pagkaluoy sa tanan’g katawhan.
Apan mas luoy ang kapolisan kay sila ang gitahasan sa kahusay ug kalinaw, unya, mao kini ang ilang performance. Luoy sa pagka-bolastog!!!

Categories: Opinyon
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: