Home > Balita > Police Reports ni Jho Pantoja

Police Reports ni Jho Pantoja

Pulis gipusil sa asawa’ng pulis, patay
GENERAL Santos City––Patay ang 30-anyos nga pulis nga si PO1 Danson Banas human gipusil sa iyang kaugalingo’ng asawa nga usa usab ka pulis nga si PO1 Rowena Banas sulod sa ilang panimalay gahapon sa buntag. Wala pa matino kung unsay hinungdan sa maong krimen.

10-anyos gilugos sa 15-anyos
DAVAO City––Gilugos sa 15-anyos nga batan-ong lalaki ang iyang 10-anyos nga manghud nga babaye sulod mismo sa ilang panimalay sa maka-tulo ka higayon. Tungod sa hilabihang kalisang, wala dayon makasumbong ang biktima. Labing ulahi nga nahitabo ang pagpanglugos niadtong adlaw nga Biyernes sa dihang gisulod sumala pa ang biktima sa kuwarto sa ilang balay sa Barangay 76-A Bucana ning siyudad. Gi-angkon sa amahan nga kanunay naggamit ug solvent ang iyang 15-anyos nga anak gumikan kay kanunay pula ang mata niini. Dili lang kita mohatag sa mga pangalan sa biktima ug suspetsado sanglit mga menor de edad pa ang mga nalambigit.

Kagawad napusilan-patay ang asawa
BUTUAN City––Tingkagol sa bilangguan sa Hinatuan, Surigao del Sur ang kagawad sa Barangay San Ramon human niini napusilan-patay ang iyang asawa sa gidala niining de-bomba kon air gun kagahapon sa mga alas 7:30 sa kagabhi-on. Naila ang biktima nga si Emily Alico Sotto, 35-anyos ang panuigon, samtang ang suspetsado mao si Barangay Kagawad Amador Sotto, 38-anyos ang panuigon, parehong residente sa Purok 4, Barangay San Ramon .

19 patay, 10 nawala sa Basilan encounter
ZAMBOANGA City––Nagdeploy og mga special forces ang militar aron pangita-on ang 10 pa ka mga  sundalo nga nawala human sa hitabong  engkuwentro tali sa militar batok sa mga rebeldeng MILF didto  sa Sitio Baquisong, Barangay Cambug, Albarka sa Basilan. Sumala pa ni Western Mindanao Command spokesman Lt. Col. Randolph Cabangbang, mikabat sa 12 ka sundalo ang patay samtang 7 ang sa Moro Islamic Liberation Front (MILF). “We suffered casualties and currently our count is 12 KIA (killed in action), 11 WIA (wounded in action) and 10 MIA (missing in action),” sumala pa ni Cabangbang.

3 ka bata patay sa diarrhea, laing
gatusan pa ka tawo ang gi-monitor
GENERAL Santos City––Tulo ka mga bata ang namatay ug laing gatusan ka tawo ang gimonitor karon didto sa Tinoto, Maasim, Sarangani province tungod  sa sakit nga diarrhea. Ang mga namatay na mga bata nga nagpangidaron og singko anyos paubos. Matud pa ni Meloy Latoja sa Provincial Welfare and Development Office sa Sarangani nga gisuta sa mga health officials ang gi-inum nga tubig sa mga residente sa maong  barangay ang hinungdan sa diarrhea.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: