Home > Balita > 24 PSWDO-SCALA naka-Gradweyt na

24 PSWDO-SCALA naka-Gradweyt na

Provincial Capitol,Oroquieta City––Mikabat 24 ka mga tinun-an sa Provincial Social Welfare and Development Office (PSWDO)-Sharing Computer Access Locally and Abroad (SCALA) ang malampusong mitapos sa ilang kurso nga gipasiugdahan sa maong buhatan sa lokal nga pangagamhanan sa Misamis Occidental.
Ang SCALA usa ka tulumanon nga gitabangan usab sa EWB kun mga Engineers Without Boarder sa Nasud sa Canada nga unang midonar niini ug 15 ka mga computers niadtong 2005 isip suporta ngadto sa mga Out of School Youth (OSY) nga bisan wala’y sarang ika gasto mamahimo gihapong kini makakuha ug mga kursong magamit gilayon sa ilang pagpangita ug maayong trabaho.
Kini usab ang gipadayag ni Ms. Ylena P. Drisdelle, SWO II ug kasamtangang Center Manager Designate sa MOICTTC nga gisuportahan usab ni Rosendo Requina, PSWDO Officer sa lalawigan.
Usa kini ka proyekto nga gisugdan niadto pang 2005 ug nagpadayon karon pinaagi usab sa tabang ug suporta gikan kang Lady Governor Hermie Ramiro aron gayud makatabang sa mga OSY sa lalawigan.
Sa laing bahin sa maong graduation, gipasidunggan usab ang duha ka mga pamilya midaug sa Search for the Model Family 2010 ug 2011 nga sila Mr. and Mrs. Tomas Lariba ug Pamilya sa Lopez Jeana, Misamis Occidental alang sa tuig 2011 ug sila Mr. and Mrs. Mario Morales ug Pamilya sa Oroquieta City alang sa tuig 2010.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: