Home > Balita > 3 Ka Koreano nga Gidagit Nakabuhi na

3 Ka Koreano nga Gidagit Nakabuhi na

ILIGAN City––Malampusong na-rescue sa mga tinugyanan sa balaod ang tulo ka mga Koreano nga gidagit sa mga sindikato sa lalawigan sa Lanao del Sur ug Norte apan missing ang kaubang Pinoy ug sumala pa sa kasayuran nga gipusil-patay sa mga kidnappers.
Sigun sa nasayran unang nakuha sa hini-usang puwersa sa kasundaluhan ug kapulisan ang biktima nga si Mr. Choi In Soo didto sa Madamba, Lanao del Sur niadtong adlawng Huwebes.
Napugos matud pa ang mga kidnappers sa pagbiya sa biktima human sa paglutos sa mga otoridad.
Na-rescue usab ang nahibiling duha ka mga Koreano nga sila si Mr. Kim Nam Doo ug Mr. Seok Bong Wu didto sa utlanang bahin sa Deguyanan, Madamba Lanao del Sur ug Brgy. Calimodan, Salvador Lanao del Norte sa mga alas 5:30 ang takna sa kahapon niadtong nakalabayng adlaw.
Atol sa gipahigayon nga press conference sa Task Force “Macalintad” sa 1st Infantry (TABAK) Division, sa Philippine Army sa Maria Cristina ning dakbayan, gibutyag sa mga otoridad nga walay gibayad nga ransom ngadto sa mga kidnappers taliwa sa pagpangayo niini og 50 milyones ka pesos isip bugti sa ilang kagawasan o ransom.
Sumala pa sa giluwatang pamahayag ni BGen. Roland C. Amarille sa Task Force Macalintad nga ilang gipadayon ang operasyon batok sa mga kidnappers nga gipanguluhan ni Anwar Bilao alyas Anu.
Sa iyang kabahin gibutyag ni Police Senior Superintendent Orlando Beñas, Provincial Director sa Lanao del Norte nga ilang pasakahan og kaso ang grupo ni Bilao kalabot sa gihimong pagpangdagit.
Bisan paman nabawi sa puwersa sa kagamhanan ang mga Koreano apan wala pa gihapon matino kon asa gayud nahitabo ang pagpangdagit gumikan kay dili maantigo sa pinulungang English ang mga biktima ug gidid-an sab ang mga sakop sa media sa pagpangutana ngadto sa mga biktimang Koreano.
Sigun sa kasayuran nahitabo ang pagpangdagit didto sa lalawigan sa Lanao del Sur ang mga biktima 36 ka adlaw na ang nakalabay aron sa pagsusi kon asa dapit ang minahan, apan adunay mikatag nga impormasyon nga sa Cagayan de Oro gidagit ang mga biktima ug gidala lamang paatubang sa bukirang bahin sa mga lalawigan sa Lanao del Sur.
Sumala pa ni kanhi mayor Sultan Jhonny Tawantawan dako ang iyang pasalamat kang gobernador Khalid ug kanhi Gobernador Abdullah Dimaporo sa ilang dakung suporta para maluwas ang mga gidagit nga mga koreano.”Kini usa ka isolated case nga panghitabo sa among lungsod,” sumala pa ni Tawantawan.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: