Home > Opinyon > Ang pagpusil kang Bombo James dili makahunong kanamo

Ang pagpusil kang Bombo James dili makahunong kanamo

ATONG mahinumdoman ang pagpusil kang Bombo James Licuanan o mas naila nga James Dacoycoy sa Bombo Radyo-Cagayan de Oro sa miaging mga adlaw nga dili kana maoy tubag nga kaming taga media mohunong na sa among kawsa sa pakigbisog sa mga bug-at nga mga isyu batok sa mga dagko og mga kamot nga maoy numero uno’ng badlungon sa katilingban.
Maayo na lang nga wala ma-intimano si James sa iyang samad sa lawas agi’g pinusilan sa mga suspetsado. Karon, luwas na siya sa baba sa kamatayon.
Bisan pa kung hutdon ninyo kami sa pagpatay apan aduna pay sumosunod kanamo kinsa mobarog gihapon sa katungod sa mga kabus ilabi na ang mga yanong magbubuhis nga buot masayod sa matood nga impormasyon sa atong palibot.
Buot ba sabton ang mga hired killer unta kang Bombo James nga mao kana ang katapusang pamaagi aron mohunong na sa iyang mga birada ug pagtuki sa isyu? Dili angay buhaton kana nila kay igo ra man siya nagtuman sa iyang kaakohan nga gisangon sa iyang abaga.
Ang maayong buhaton unta sa hingtungdan nga mga suspetsado mao ang pagpasaka og kaso’ng libelo batok sa nahisgutang sakop sa media aron mamatud-an kung tinuod ba ang iyang mga batikos niini nga maoy nakapasuko kanila.
Sumala, daghan na bitaw nga mga sakop sa prensa ang gipangpatay bisan asang dapit dinhi sa atong nasud? Nahadlok ba kaming taga media kalabot niana? Wala? Tungod kay mao na kana ang among katungdanan bahala na og patyon pa kami apan magpabilin kami sa among baruganan diha sa pagyagyag sa kamatuoran.
Gamay ra kami og suholan diin ang uban gani kanamo mga self-employed sa ilang media outlets apan giantus lamang namo ang tanan tungod kay naglantaw kami para sa kinabag-an ug dili alang sa among kaugalingon.
Kadali ba masuko ang nagbuhat sa pagpatay unta kang James. Kaming tanan sa among profession, anaa kami sa FOURTH ESTATE sa atong nasud isip maoy tigsabwag sa mga kasayuran aron ang tanan’g katawhan masayod sa pinaka-ulahing balita.
Alang kanako, dili kita magbuhat sa mga butang nga supak sa balaod aron hapsay ang atung katilingban ug dili mag-abuso usab sa katungdanan nga gisangon sa usa ka opisyal nga mao unta ang mohatag og kaayuhan sa palibot ug katawhan apan giyatakan na hinuon ang tawhanong katungod sa mga molupyo maoy hinungdan nga ang taga prensa dili magmakuli sa pagbutyag sa kamatuoran.
Tungod niana, adunay pipila ang mahalangan sa isyu nga among gituki diin magbunga na dayon ngadto sa paghunos sa among kinabuhi. Mao ba kana ang ibugti sa tawo kinsa maoy gitahasan sa pagsabwag sa balita? Ingon niini ba diay ang sangpotanan sa tigbalita nga makaangkon na hinuon sa distroso sa iyang kinabuhi? Dili kana maoy tubag sa ako ng gibutyag sa unahan.

Categories: Opinyon
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: