Home > Balita > BID-Davao Usisahon ang Langyaw nga Estudyante

BID-Davao Usisahon ang Langyaw nga Estudyante

DAVAO City––Gipahimangnoan karun sa usa ka opisyal sa Bureau of Immigration and Deportation (BID)-Davao ang mga tulonghaan ning dakbayan nga siguraduhon nga ang tanan nga tinun-an niining naggikan pa sa langyaw’ng dapit nga ilang gidawat atol sa enrolment kinahanglan adunay mga balidong dokumento kon dinhi sa siyudad o sa atong nasud mag-eskuwela.
Sumala pa ni Atty. Nimfa Edroso, ang BI-Davao officer-in-charge, kinahanglan nga ang tanan nga tulonghaan mopahigayon ug masubsob nga pag-usisa sa mga papeles nga ipresenta sa mga langyaw nga mga estudyante.
Ang tumong niini matud pa nga dili mapeke ang 9F (student visa) lakip na ang uban pang dokumento sama sa transcript of records o school records.
Dugang sa nahisgutan nga dili usab mahimong dawaton sa usa ka tulonghaan ang mga langyaw’ng tinun-an kung dili kini makapakita sa mga gikinahanglan nga mga rekisitos nga gikan sa BID student desk.
Base usab sa gipagawas nga memorandum order ni BID Commissioner Ricardo David Jr., kinahanglan adunay special study permits (SSPs) ang mga foreign student nga ubos sa 18 anyos ug motungha sa elementarya, high school, ug college nga adunay espesyal nga kursong dili moubos sa usa ka tuig.
Ang bag-ong pahimangno gipatuman lamang sa mga tulonghaan nga otorisado sa BID, Department of Education, Commission on Higher Education, Technical Education and Skills Development Authority (TESDA), ug Federation of Accrediting Agencies.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: