Home > Dear Kuya Sonny > Driver naminyo sa iyang agalon

Driver naminyo sa iyang agalon

“Ikaduhang Yugto”

NIANANG pontoha Kuya Sonny, ako na usab ang nangutana kaniya nganong wala pa man siya magminyo nga gawas dako siyag position sa ilang opisina, gwapa pa gayud siya daw susama gayud sa usa ka model. Mipasabot siya kanako nga tungod sa iyang kabusy, Wala na siya maghunahuna pa sa pakigminyo ug gikalimtan lang una niya ang buot mangulitawo kaniya.
Didto nagsugod ang among closeness sa usag usa. Kanunay na kadto namo buhata ang pagpanihapon sa gawas nga iyang gasto ang tanan. Panahon nga magsweldo siya, palitan niya akog regalo sama sa sinina ug pantalon. Miingon si maam nga dawaton lang nako kutob sa iyang ihatag kanako. Mao gidawat lang usab nako.
Adlawng Dominggo kadto, mihapit ako sa usa ka flower shop aron palitan nako siyag rose nga bulak isip bugti sa iyang gipangregalo kanako. Apan medyo nalain og sabot ni Maam Helen nga nadala na diay tua sa malisya daw sama sa nagulitawo na ako kaniya. Sa dihang nahawiran na niya ang maong rosas, mipahiyom siya dala bisi-biso kanamong duroha.
Wala ako makatulog sa pagkagabii niana tungod kay nasipyat ang giregalo nako niya nganong rosas pa ang akong nahunahunaan. Apan kay nahinaykan naman mao wala na akoy mahimo pa niadto. Gitawagan dayon ko ni maam sa cellphone kay siya wala usab makatulog. Managsama ang among sitwasyon.
“Hi, Tony, wala pa diay ka matulog”? “Wala pa Maam Helen”. “Salamat sa rosas ha”? “Walay sapayan maam.”
Actually Kuya Sonny, nadevelop na ako kang maam niadtong puntoha ug siya usab nagkaanam na ang iyang dakong gusto kanako.
Pagkasunod gabii, nanuroy ming duha ngadto sa dapit nga romantic kaayo diin didto…si maam ang misulay unta sa pagpasabot sa iyang gugma kanako. Tungod kay babayeng buhat man siya mao ako dayon kining gisalo ang buot niyang isugilon ug ako na mismo ang nagpadayag tali sa among gibati sa usag usa. Nagginaksanay kami sa tumang kalipay sa among gugma diin hingpit na kami nga mang-uyab niadto tungora. (Sumpayan na sab nato ugma, atangi kay nagkadugay-nagkalami)

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: