Home > Balita > ‘Prayer rally’ gipahigayon

‘Prayer rally’ gipahigayon

CAGAYAN de Oro City––Gipahigayon kagahapong adlawa sa hapon ang “Prayer Rally” pinaagi sa nagkahiusang organisasyon sa media nga diha gihimo sa Freedom Monument sa Vicente Lara Park ning dakbayan.
Tumong sa maong kalihukan aron nga masumpo kining gitawag og “impunity” ngadto sa mga miyembro o sakop sa media nga sarang maoy gisilotan pinaagi sa pagbanhig o pagluthang.
Gani dinhi sa Rehiyon 10 sukad niadtong tuig 2007 hangtud ning tuiga, mikabat sa 5 ka mga sakop sa media ang gibanhigan (ambush) diin duha ang nakabsan sa kinabuhi.
Sigun sa nahitala sa tuig 2007 hangtud karong tuiga sa buhatan sa Department of Jusctice (DOJ), Regional Prosecutors Office Region-10 pinaagi sa Witness Protection Program (WPP) unang nabiktima mao si Jose Pantoja (buhi) nga gi-ambush sa dakbayan sa Iligan, gisundan gilayon ni Arcesio Parigao (patay) sa dakbayan sa Gingoog, Ernesto Rollen (patay) sa dakbayan sa Oroquieta, Nilo Labares (buhi) sa dakbayan sa Cagayan de Oro ug karon si James Licuanan (buhi) ning siyudad sa Cayagan de Oro.
Sumala pa ni DOJ-10 Regional State Prosecutor Atty. Jaime Umpa kinahanglan ang mga tinugyanan sa balaod sama sa kapolisan, NBI, CIDG ug uban pang mga hintungdan nga mga ahensiya sa gobyerno nga dili lang motutok ngadto sa mga sinugong tawo sa pagpusil ngadto sa mga sakop sa media kinahanglan ma-apil sa pagpasang-at ug kaso kadtong mga “mastermind.”
“Dili lang kita mohunong sa pag-imbestigar ug pagsikop ngadto sa mga “hired killers” kon dili kinahanglan mahi-apil usab gayud kadtong mga tawo nga maoy utok o nagpaluyo (masterminded) sa pagbanhig, pagpusil-patay ngadto sa mga media aron tinud-anay nga makutlo o makab-ot ang tinu-od nga hustisya sa mga media,” pamahayag ni RSP Umpa.
Sa pikas nga bahin si Cagayan de Oro Press Club (COPC) President Atty. Bobby Goking, gihimo ang maong kalihukan nga “Prayer Rally” aron makahidangat ngadto sa nagkada-iyang ahensiya sa gobyernong lokal ug nasyunal nga mahunong na kining “impunity” ug dili lang sa media apil usab niini ang mga kaparian, abogado, negosyante ug uban pang mga tawong indibiduwal nga sayon-sayonon lang sa pagpatay.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: