Home > Opinyon > Luwas ba ang imong pagpamalit?

Luwas ba ang imong pagpamalit?

Disyembre 1 na og magsugod na gayud og dagsang ang mga katawhan diha sa nagkadaiyang establisamento aron mamalit.
Aron mahalikay sa pagdasok sa katawhan diha sa mga malls o dagkong tindahan, ang uban sayo nga mopalit alang sa ilang pinaskohan nga gitagana ngadto sa ilang mga suod nga mga higala ug minahal sa kinabuhi.
Ang diwa sa pasko maayo apan dili  gayud kalikayan nga adunay mga tawo nga dili lang badlungon kon dili malipay sila nga makapasakit ngadto sa ilang isig ka tawo.
Kini sila mao ang mga tawo nga ila ng gibaligya ang ilang kalag ngadto kang Satanas kay lagi mas gipili man nila ang kalipay nga ilang masinati ibabaw niining kalibutan.
Dali ra nimo kini silang mailhan tungod kay sila mao kadtong mga kawatan o tulisan, o mga tawong mopatay bugti ang salapi o “hired killers” ug mga mangingilad.
Ang diwa sa Pasko mao ang paglipay, pagminahalay, ug paghinatagay.
Apan diha sa paglipay-lipay aduna gayuy mga tawo nga mosukwahi ug magbuhat sa mga butang nga gidili sa balaod sa yuta ug sa Ginoo.
Diha unya sa inyong pagsuroy-suroy sa mga malls o daglong tindahan ––ug ni bisan asa nga dapit––angayan nga magbantay kamo.
Angayan nga inyong tan-awon kung aduna bay higpit nga seguridad nga gipatuman ang maong establisamento.
Dili ikalimod nga ang uban––ug hinaut nga dili tanan––nga establisamento ang ginansiya lamang ang gihunahuna ug nga walay paki-alam diha sa seguridad sa ilang mga mamalitay.
Tinood nga adunay guwardiya nga nagtindog-tindog duol sa pultahan apan kung imong lantawon pag-ayo sila mora ra og manikin––ug ang kalainan lamang mao nga adunay silay mga mata nga ga pitok-pitok. Halos tanang higayon wala gani kay makita nga pulis duol sa maong establisamento.
Maayo nga hugtan sa mga tag-iya sa mga establisamento ang seguridad samtang dili pa ulahi ang tanan.

Categories: Opinyon
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: