Home > WestMin Edition > Miguel Zubiri bisita ni Francis ug ni Philip

Miguel Zubiri bisita ni Francis ug ni Philip

Lopez Jaena, Misamis Occidental––Kanhi Senador Juan Miguel “Migz” Zubiri maoy pinasidunggang bisita ni St. Francis Xavier ning lungsod sa Lopez Jaena karong adlaw (December 1) atol sa kasaulogan sa “town fiesta” niini ug pagkahuman moderetso usab kini didto sa Tangub City diin siya ang mamahimong pinasidunggang bisita usab sa pagbukas formal sa Christmas Symbol Capital sa nasud.
Nasayran gikan kang SB Member Michael Gutierrez, kasamtangan chairman sa peace and order committee sa maong lungsod, nga sa iyang imbetasyon mahidangat si kanhi Senador Migz Zubiri isip bisita sa kalihukang “Purok Day” diin usa kini sa importanitng kalihukan atol sa kapistahan sa lungsod sa umaabot nga December 2-3 sa panglin sa patron niini nga si St. Francis Xavier.
Si kanhi Senador Migz nga taga-Mindanao ug Bukidnon inila ug girespeto tungod sa iyang pagbuhi isip senador sa nasud human nakasinati ug mga problema kabahin sa May 2010 Election nga giprotestahan sa iya ra usab nga kauban ug higala nga taga Mindanao Senador Koko Pimentel. Gani ning pagbalita gilambigit na usab kini sa alegasyon may kalabutan sa giatubang kaso ni kanhi pamuno nasud Gloria Macapagal Arroyo kabahin sa Electoral Sabotage.
“Usa kini ka demolition job batok kanako” matud pa sa kanhi Senador.
Sa iyang pagbisita bisan wala na kini sa Senado gilauman sa taga-Lopez Jaena nga aduna gihapon kini’y igong kapasidad nga mohatud sa iyang tabang sa katawhan sa maong lungsod.
Sa laing bahin karong adlawa (December 1, 2011) gikatakda usab nga pagabuksan ang Christmas Symbol Capital sa Nasud, Tangub City sa kagamhanang City Mayor Philip Tan, diin si Kanhi Senador “Migz” usa ka higala .

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: