Home > Balita > Presscon alang sa paghandum sa Magi 2 malampuson

Presscon alang sa paghandum sa Magi 2 malampuson

ILIGAN City––Malampusong gipahigayon ang usa ka press conference nga giapilan sa 40 ka mga magsesebya ug manunulat sa tibook Western Mindanao region aron sa paghandum sa ika-duhang tuig sa Maguindanao Massacre diin 33 ka mga sakop sa media ang gipamusil-patay.
Atol sa maong press conference, gihisgutan usab ang kabahin sa “impunity” ug ang padayon nga paglapas sa tawhanon katungod human gipamatay ang mga biktima sa Maguindanao massacre.
Nagpabilin usab ang pangutana: “Aduna bay kasulbaran ang maong mangilngig nga paghitabo?”
Sa mga panelist nga mitambong kini ang gitubag nga pinaagi sa padayon nga pagpadayag sa kawsa sa hustisya lauman nga sa karon nga administrasyon ni pamuno nasud Noynoy Aquino mahatod gayud sa mga biktima ang  tinuod nga hustisya. Kini usab ang gipadayag ni City Councilor Marlene Young usa ka human rights activist nga karon naglihuk isip sakop sa lokal nga pangagamhanan sa syudad sa Iligan.
Sa laing bahin, kini usab ang gilatid sa paghuna-huna ni CSO-FP President Jun Tenorio nga pinaagi sa paghiusa ug paghatod sa tinu-oray nga adbokasiya ug kampanya alang sa paghunong na sa “impunity” ug media killings matagaan gayud ug hustisya ang dul-an 146 na ka mga sakop sa media ang gipangpatay diin apil na niini ang biktima sa Maguindanao massacre.
Sa laing bahin pinaagi usab sa tabang ug soporta sa giz-German Development Cooperation ug Civil Peace Service ug CSO-FP Peace partners gilusad ang usa ka semanang Mindanao Week of Peace diin ang tema karong tuiga nagapatuman sa” Kalinaw MindaNow: Kultura sa Kalinaw,Ipadayon ug Ipatunhay.”
Sa iyang kabahin, gihatod usab ni Jun Enriquez, Managing Director sa CSO-FP ang International Year to End Impunity  ug ang update sa Media Killings sa tibook nasud aron gayud mapahinumduman ang mga mitambong nga media personalities pinaagi sa usa ka kawsa sa kalinaw ang kinahanglan mopatigbabaw ug maghatud sa tinuod nga kasulbaran sa problema sa Mindanao.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: